गत साता पाँचै दिन लगातार बढेको नेप्से परिसूचक आइतबार दोहोरो अंकले घटेको छ। गत साताभरमा एक सय १५ अंक जोडेको नेप्सेले आइतबार २६.५१ अंकले गुमाएको छ।
बजार बन्द हुँदा नेप्से परिसूचक २६४९ विन्दुमा आइपुगेको हो। गत साताको अन्तिम तीन दिनदेखि बजार यो विन्दुमा प्रतिरोध परिक्षण गरिरहेको थियो। अन्ततः नेप्से २६९४ विन्दुसम्म पुगेर घटेको हो।
केही समयदेखि उच्च रकमको कारोबार भइरहेको कम्पनीहरूको लाभांश समायोजन भइसकेकोले ती कम्पनीको मूल्य समेत घट्न थालेको छ।यसले पनि बजारलाई घटाउन सहयोग पुगेको हो। बजारमा बिक्री बढ्दा कारोबार रकम भने बढेको छ।
आइतबार सात अर्ब आठ करोड रूपैयाँको कारोबार भएको हो।
